Նոյեմբերյան համայնքում իրականացվող սուբվենցիոն ծրագրերով տուֆապատվում են ներհամայնքային մի շարք փողոցներ։
Նոյեմբերյան քաղաքի 26 Կոմիսարների փողոցի ճանապարհի մի հատվածն արդեն բարեկարգ է, խնամված և հարմար բնակիչների համար։
Ներհամայնքային մի շարք փողոցներ անմխիթար վիճակում էին, տարիներ շարունակ ասֆալտապատման և վերանորոգման բացակայության պատճառով դրանք մեծ անհարմարություններ էին առաջացնում բնակիչների և քաղաքի հյուրերի համար։
Հաշվի առնելով տարածքի աշխարհագրական դիրքն ու ճանապարհային խնդիրները՝ ընտրվել է տուֆապատումը, ճանապարհին ավելի գեղեցիկ և խնամված տեսք հաղորդելու համար։
Նոյեմբերյան համայնքի ղեկավարումը ստանձնած «Ապրելու երկիր» կուսակցության թիմը՝ համայնքի ղեկավար Արսեն Աղաբաբյանի գլխավորությամբ շարունակում է համայնքային խնդիրների գույքագրումն ու դրանց լուծմանն ուղղված արդյունավետ ծրագրերի իրականացումը։
