Նոյեմբերյանի համայնքային զբոսայգու և հարակից հրապարակի վերակառուցման ու բարեկարգման նախագծի վերաբերյալ Նոյեմբերյանում տեղի են ունեցել հանրային լսումներ։
Հանրային լսման ընթացքում մանրամասն ներկայացվել է վերակառուցման նախագիծը, բնակիչները ծանոթացել են նախատեսվող առաջարկներին և բարեկարգումից հետո այգու ստեղծվող հնարավորություններին։
Բնակիչներն ուղղել են իրենց հուզող հարցերն ու առաջարկությունները, տեղի է ունեցել ակտիվ հարց-պատասխան քննարկում։
Հենց այս աշխատելաոճով, միասնական ուժերով ու համագործակցային ռազմավարությամբ է հնարավոր հասնել դրական փոփոխությունների, որոնք միանգամայն դրականորեն են ազդելու բնակիչների և քաղաքի ընդհանուր կյանքի վրա։