5 տարի առաջ Ադրբեջանի կողմից սանձահարված պատերազմը էապես փոխեց հայոց պատմության ընթացքը, երբ մեր հայրենիքի մի հատվածում՝ Արցախում Ադրբեջանը նպատակ ուներ բնաջնջել հայ ժողովրդին և հայկականությունը։
Պատերազմի օրերն իսկական մղձավանջ էին հայ ժողովրդի համար, որը ցավոք, շարունակվում է մինչև օրս։ Ադրբեջանի հայատյաց քաղաքականությունը իր դրսևորումներները շարունակել է 2020թ․ պատերազմից հետո էլ՝ Հայաստանի և Արցախի դեմ նոր ռազմական ագրեսիաներով, Արցախի բնակչության բռնի տեղահանմամբ, հայ գերիների առկայությամբ և այլ գործողություններով։
2020թ․ պատերազմում հազարավոր մեր հայրենակիցներ իրենց կյանքի գնով պայքարեցին հանուն հայրենիքի պաշտպանության և հայ ժողովրդի խաղաղության։
Հավերժ փառք հայրենիքի համար անմահացած հերոսներին։